Rozin kutak

 

(u kutu, nikome na putu)  

Osvježavajuć’ trenutak za Rozin kutak

Piše: Eleonora Ernoić Krnjak

Ni istina da ni moči pisati više stvari od jemput v istem dnevu!

No, jesem abidekstalna ali baš da morem z lijevom jeno a z desnom drugo mam v isti čas (pisati), baš i nemrem.

Roman, fala na pitanju ide.

Pa stane.

Pa krene…

Bu. Bu sigurne a ja v pauzami proučavam kaj se nudi od šminke:

1.curica od 20 let jahko ozbiljne pojašnjava kak po pomoči bronzera vu kremi ni potrebne iti na fejsliftinga kaj bum vam ja pojasnila:

Namažete si ga tu, pa tu, pa dole pa zemete tekučega pudra pa denete uz bronzera, onda rumenilo v kremi denete uz več navedeno i onda zemete kista pa se skup zmrljate i doveršite posel z pudrom vu kamenu.

2.Onda oči.

Z vanjske strane zalepite flastera od ruba do obrvi i pervo se lijepe nafarbate z tamnim.

Onda svetlim.

Onda z tušem idete kak da rišete berkove Salvadora Dalija.

Onda flastere odlepite pa vam je se skup zaokruženo z črlenim obrubom i odlepljenom kožom..

3.Pristupate spet postupku br.1 ali z kistom zmrljate tuša.

4.Korigirate tuš dok vam se ruke več tak drmaju da su črte tuša se vekše i vekše.

5.Oberve si lijepe skicirate z certicama kak očete pa gore nekej kak maskara i začešljate.

6.Trepavice: napudrate ih. 

Obrišete suze pažljivo da vam se remek-djelo oko okica ne razmaže.

Namažite pervi sloj maskare.

Najte se brinuti kaj su zlepljene, bu još gore.

Brojite do 10 spet ponovite:

puder-suze-maskara.

Sad je se zlepljeno kak treba pa zemite zihernadlu i pažljivo si te dlakice odvojite jenu od druge.

Ak ste nesigurni, najte to delati jer v mejk-apu ni nužne samu sebe oslepiti.

7.Usne: očete vekši dojam, onak: prirodne usne napumpane.

To se postigne na dva prirodna načina:

1.Duboko udahnite, napućite usnice i heznite se tavom po njima.

Kaj je tava vekša, dojam je upečatljiviji.

2.Ak mislite da je to preveč bolno, zemite olovku za usne v tamnijoj nijansi od šminke i z njom odite po vanjskoj certi usnica ili kak morete.

Na to se dene šminka pa sjajilo.

Vzdahnete duboko i z ogledala vas gledi male čudne našminkana Kleopatra Egipćanka Ptolomejevićka koja išče Cezara ili Markeca Antonija ili svoga muža.

Kak se to dela, se trikove zavođenja bum objasnila drugi put.

Za sad vežbajte, jer rad i samo rad napravi majstoricu.

Vaša navekvjerna lajfkoučerica

Ela-Rozi (Elica, bokpomozi).

Ps.

Najte se z tim sim pokušati nasmijati jer bu vam se sa ta žbuka na licu raspucala.

Drugi put zemite zidarskoga špahtlina, išle bu berže.

Rozin kutak

(u kutu, nikome na putu)

Piše: Eleonora Ernoić Krnjak

Stvarno neki put začudim samu sebe: iako me uopće ne zanimaju životi celebritija. influencerica, slavnih osoba, savjeti "što se ne smije nositi nakon 50-te, 90-te, godine ili kilograma, prilijepim se za jedan od tekstova i onda "skrolam" dok mi šećer ne skoči na 8,2 od siline pismenosti, intelektualnosti i filozofije tekstova.

Početak je bil gda sam styling ugledne dame zbog kroja, farbe i škrlaka zamenila z onim od berača riže iz doba Mao-Cea.

Pa onda, kak je moguče da Tejlor Svift ma onakvi pupak kakvi ima.

Slijedio je nadasve produhovljeni tekst o ženami gda prejdu pedesetu ni smeti nositi štikle.

Ja sam ih nosila krećući se vrlo sigurno uz pomoć štaka… uvek.

Zledila sam se v momentu jer su me prosvijetlili da se muškima sme ugađati do određene granice, pače, poželjno je, ali pri tome ni smeti zgubiti samu sebe.

Nit su kazali di je granica niti upozorili da kak perve, mora se pri novima upoznavanjima ćuvati nofčanika da vas nešči “ljepotan” ne oguli za ejure.

Od sega sam se prehitila na "kako koristiti make-up u smjernicama najmodernijih trendova" pa umjesto papira, rišem po vlastitome licu. 

No, ono kaj sem nafčila je sljedeče: šminkajte se kak se očete ili nečete, se vam to dojde na isto kad je vručina: zmazane packe di ih ne treba biti.

Predi te mudrosti sam prošla celi Šibenik, sedila v poznatome kafiću v jaht klubu “Vodice” z očima kak rakun jer mi se razmazala maskara skup z tušem na kapkima.

To kaj su me si gledeli sem pripisala činjenici da sem napokon postala influencerica.

A morti i jesem.

Zadnji šok, e taj me dotukel, je bila izjava izvjesne A. K. da sme mi se osim nje debele…

To je se posljedica moje odlučne odluke ne baviti se više politikom.

 Mislim da bum počela saditi krumpir i sijati kuruzu, uzgajati piceke radi jajc. Nemrem im zavrnuti vratom tak da buju kokoši pri meni živjele vječno a jajca buju kak i krumpir i kuruza, besplatna. 

S obzirom na te cifre (0 eurof) najvjerojatnije bum za vratom imala poreznu i sanitarnu inspekciju.

 Kak vidite, makar se ja ne bavila ž njom, politika bu se bavila z menom. 

Ali ne odustajem, a zna nešči kakvoga grunta, onak' mala hižica, oko 300 kvadrata okućnice?

Vaša navekvjerna lajfkoučerica

Ela-Rozi (Elica, bogpomozi)

Rozin kutak

(u kutu, nikome na putu)

O ČUDIMA

Piše: Eleonora Ernoić Krnjak

U nedostatku ozbljnijih tema u ovoj sezoni vugoreka, okrenuli se bumo onim neozbiljnijima kak je to npr., turizam, devalvacija, inflacija, trgovački sporazum z ESADEOM, flizerajom itd.

Dakle, saki kaj tverdi da nemamo turistof i da nam je domača kava, sladoled i pica od 657 eurov preskupa nije dobro osveščeni gradžanin ove Lijepe nam naše.

On je ONESVEŠČENI od svakodnevnih čuda kojima je svedokom.

Rečime ovak: penzije buju išle gore, ne veli se gdaj, ali vu svakemu slučaju, se bu devalviralo, inflantiralo još predi neg bu se osušila tinta na dekretu. Još ne tak davne sem za plave smetlarske vreče od dvajst litri dala sigurno ne 5 eurov za paketa. 

Ali tehnički napredek juri munjevitom berzinom svetlosti, ljudi odredžene dobi se moraju prilagodžavati.

Glavni nam grad vu tome smislu prednjači: sme se skupili tam v Centru,nas nekoliko i gledemo vu vrata tergovačkoga lanca.

Se nekši nutri ulaze, pa izlaze, ne onak pretrpani, a kak su mahom stranjski nemreš im pročitati kaj su misleči.

I jena moja frendica, hrabra ženska, veli drugoj hrabroj ženskoj (meni) idemo nutri pa ne buju nas pojeli..

Vrata Sezama se otpreju a nigdi nikoga, se vu frižiderima, hladnjacima kak vu “Odiseji 2000”. Očemo mi da nam se otpreju mala vratašca. Nikak i nikak, povuci, potegni, mi zbunjene, kad doleprša curica (stvarna, nije UI) i veli nama lijepe da moreme nutri ak imame 50 ejurov vu kešu kaj je bedastoća jer se se kupuje na krticu, pardon, karticu.

“A moremo zajedne ili saka mora tolko mati pri sebi?”

Skup smo zbrale sveukupno sam 16,87 ejurov pa nas nisu pustili nutri.

Skorem bu tak i pri doktoru, za sad zgledo ovak (friški izvještaj):

“Kad sam naručeni za crijevoskopiju z anestezijom, su mi rekli da je hitne!”

“Molim OB… aaahaaa, 23.09.2027.”

“Fala im, do tad vmrem.”

Druge mesto:

“Kad morem napraviti fotosešn čreva pri vami?”

“Radit ćete to sami?”

“Neee”

“u tom slučaju, dođite za dva tjedna s uputnicom specijaliste broj 35482, sve će vam objasniti vaš liječnik ob.med.”

“Ali bil sam privatno na speckom pregledu!”

“A zašto?”

“Pa kod vas se dugo čeka…”

“Hmm, ostnite na liniji… g.. b.. priv..,,, mo… daa?”

“U redu je, nek vam ob.med. izda uputnicu i dođite.”

“Ali ja bi anesteziju?”

“Zašto?”

“Pa da me ne boli, buju mi pol čreva strugali pa deli pločicuu”

“Ali to ne boli, jeste probali ikada?”

“Jesam i rajši bi da me lički medo zašteha nek ponovila avanturu bez anestezije.”

“Onda morate tražiti uputnicu 63956.”

Nakon tri dana dobim odgovora 

“Naručeni ste za kolonoskopiju bez anestezije, 11.22.3333., bijela zgrada, piše radiološki odjel, onda siđete po stepenicama, slijedite putokaz “čuvanje pupkovine” i kod slomljene cijevi uđite u desni hodnik te se javite na šalteru”

Zovem i dobijem, očajnim glasom zapomažem:

“Ali vi mene šaljete na zahvat…. BEZ anestezije, ja želim SA anestezijom…”

ridam, šmrcam, slušam razgovor:

 “g… žel….isklj…ane….ma…ok…neka…ima osjetljivih…a što je napisao dr, potpuna anestezija… ooo, nisam vidjela, ok. Dođite na razgovor sa anesteziologom dva dana prije zahvata, sa kompletnom KKS, AFŽ, NOB, HSLS, BT-PNR, KPJ, HDZ, AP, i rengenom pluća.”

Na zakazani dan, drhtavih nogu u sigurnim rukama Stijene evo mene, sva je sreća da je bio pored mene, fascinirao me znak “čuvanje pupkovine”, još bi otišla roditi.

Pitam ja sestru za svaki slučaj, oće anestezija? Oće, budite bez brige…

Brzinom munje sam dobila “kineske gače”, kanilu, i zaspala tak da nisam stigla izraziti sumnju u njenu sigurnost.

Dočekalo me Sunce, sve je bilo kratko, bezbolno, ja zdrogirana, ta pupčana vrpca ima neko dublje značenje pri meni…

I sad rečite vi meni da se čuda ne događaju!

Pa cijela Hrvatska bi trebala postati veliko svetište s čudima!

Oni vu Bibliji delaju spektakl oko toga kak je nam Jezušek od vode vino napravil a pri nami, na sim bregima, dolinama, keršu i otokima di god se pije vinska nam draga kaplica, več od stoljeća sedmog saka hiža ma svojega receptlina kak od tropa, vode, meda ili zukra dobiti barem 300 litri delanca.

Za denes je dost. Iduči me put zapratite za bračne savjete. Ni potrebnao mam odmah nekoga deknuti, treba ga pustiti živeti i lagano mu guliti nofčanika.

Ali o osečajima, vernosti i braku, v sledečem kutku.

Voli vas vaša lajfkoučerica 

Ela-Rozi

Rozin kutak

 

TAJNE I SIMBOLI "ČAROBNE FRULE" I ZVONČIČOF

Piše: Eleonora Ernoić Krnjak

I… tak.

Ja vam se više opče ne bavim politikom.

Se vam je to kak v operi.

Sem bila na “Čarobnoj fruli” neki den.

Si su moji kolege izversni, ali Schickaneder se baš i ni isprsil.

Se je kak čušpajz: mate Tamina, princa, pred “zlom” se onesvesti.

Najdu ga tri žemske, sperve im se jahke dopadne ali se saberu i sete da ih kontrolirja Kraljica noći koja oče da T. spasi njenu kčer Paminu koju je zaprl Sarasto kaj je zločesti. T. se zaljubi mam vu slikicu kčeri…

Tu je i čovek-ptica Papageno kaj iste dela za Kraljicu i oni buju skup (T. i Papageno) dišli po Paminu.

Je, ali se onda ustanovi da je S zel Paminu jer je on zaprav dobri a Kraljica to nie i kak ju je htel spasiti (Paminu) buju dal T. ak ovaj prejde tri kušnje…

Jena od njih je i da bu mučeči kaj je v operi gotovo pa nemoguče napraviti.

Onda bu prešel v Hram kojeg čuvaju čuvari i vodiči i se je kak v piramidi i masonskoj tajnoj knjigi (kaj je več Tolstoj v Ratu i miru v detalje opisal) ali se sie režiseri i dirigenti sveta kunu da to ni pod razne ni slobodnozidarjska tema jer je to Tajna a ionak se se klima ali ja ne vidim da to ne bi mogla i biti s obzirom na potresne i antistatičke zidarjske obnove v stvarnemu i prenesenom značenju vu RH.

No, v glavnem, ni jasne zakaj Pamina i T. liepe popievaju a onda moraju čkomiti.

I Paminu kojoj je inače nepoznato boravište pronajde mamica kraljica i veli da ak ne probode S. bu je se odrekla… Pamina mesto da dekne S. oče deknuti sebe jer se Pamino z njom ne spomina… onda dojde Papageno pa ju vteši i ona njega i dojde Papagena koju Papageno dozove ž “zvončekimi” na kraju i buju mali puuunooo dece i Tamino i Papagena na i z “čarobnom frulom” buju “zbrani” i “sveti” i mamica-kraljica zgine v pakel i sie su sretni i veseli.

Nišče se nie nigdar usudil pitati o zvončekima i čarobnoj fruli kak čega simbolima pa se nem usudila ni ja.

To nišče nie razmel nigdar…

Kak ni politiku EU i okolnih institucijof.

Rozin kutak

 

ZBLOKIRANA NA DRUŠTVENIM MREŽAMA, SPET

Piše: Eleonora Ernoić Krnjak

Ok, zakaj je sad spet nekom pozlilo, me spet zblokiralo?

Kaj pa ve?

Bum ovak, morti bu jasneje:

"Sam babica z Zapadne Kroeje, lete je 2030.

Mi vam mamo celo lete novo lete, ovisi ko od kud kam i zakaj lete pa i izlete i ulete.

Uz i niz spust.

Opče nam ni trebaj nikaj misliti,

za nas su misleči

tisti leteči.

Male su pemzije, ali to je v redu.

Nemame ništ puno za kupiti, jesti takoj ali zate duge živimo, sme meršavi.

A i kanalizacija ni više zaštopana, nema se tu kaj za mati stolicu...

Mame jenoga doktora na cca 10000 oseba, sme si zdravi.

Po dekretu onih letečih.

Zoubara jenoga na 25000 pacjemtvov, zoubi nemame, nekaj od male "nježnega" uveravanja a nekej od zdravega nejedenja, kak sem več povedala gore.

Inače cenimo jahke "cool-tour(u)".

Skorem si sme bar jemput kak klavira svirali, znate, onak z prekrižanima roukami z železnim narukficami. Uz pratnju organov. Ne cerkvenih.

Ali se razmeme, organ sam male tobož tresne, ti zakričiš i si veseli i zadovojlni.

Kak vidite, pevanje je na cijeni.

V ovoj rajskoj zemli, Zapadnoj Kroeji slavime rođendane doživotnih verhovnih glavnih letečih.

Na stadijonima, veliju (ali ja to ne verjem, sam sme mi inovatori) da to imitirjaju nekvoga Mašsrala, se onda skoupi par nas kaj je ostalo v Rajskoj zemli i onda popevamo se od Cece.

One Taljanke, Cecilije Bartolli.

Cenzure ni jer se nema kaj cenzurirati, mi zname da ni dobre nekaj znati pa da leteči znaju da mi zname da oni nikej ne znaju i da ih sam Veter Severnjak (ne onaj od Kerleže) derži.

Zakej vam se to pišem?

Sem na lutriji dobila đek-pota da morem pisme napisati (sam jemput na leto je lutrija i deset sretnikov) pa sem odlučila vam prectaviti kak bute i vi živeli v Rajskoj zemlici Juropi jer ste nas poustili kak cerknute pese v jarku ono pred 45 let da se zglođemo do kraja!

Iz ove zemlje natopljene krvlju i suzama krenule su strahovite boli i zahvatile cijeli Svijet.

I nitko ne bijaše pošteđen.

A najmanjše leteči. Kak god zgledelo, ti najkrajše žive, preveč maju hrane pa im zdravlhiče ni dobre.

Srečno Novo leto 

dvehiljade trideseto!

Babica, navek zblokirana

Ps. Ak' mi nešči zeme izraz "cool-tour(a)" iste sekunde će dobiti poziv na sud. Izraz je zaštićen mojim autorskim pravom.

Kao i Ustav. Vidite da ga se nitko ne usudi prepisivati.

Rozin kutak

ROZIN KUTAK JE SPET TU

Piše: Eleonora Ernoić Krnjak

A kaj da vam velim, morti je to rezultat groznice, zime, reklama, izbora. Falila sam sama sebi.

Rečime: reklame.

Se i si pripovedaju o Blagdanima.
Ok, fali meni prava ona reč, ali ruku na srce (bez himne), kak moreš nekom čestitati Božića, a na reklami su dve dame v onak vešu kaj više otkriva neg skriva i si su oduševljeni…

Ili dame v čarapama ko da su pri ženologu se prešetavaju a ono ispadne: kupite novi auto,
prejde na bateriju više neg normalni.

Saki človek si pomisli na rečime.... flaksericu, a ne na auta. 

No, gledite dve curice z ciglami v rukami. One to hiču jena drugoj pa ispadne: koupite si
novoga interneta i se bu "Sim na zemlji...".

Opčenito su ve reklame postale poune poezije.

Čak i političke.

Rozin kutak

Kuda idu.... moral, poštovanje?

Piše: Ela Ernoić 

Isprva nisam htjela.

Jer me uzrujalo.

A i svjetlost mob uređaja mi je još uvijek zabranjeno...

No, moram.

Tiče se mog bivšeg matičnog kazališta.

Riccardo Mutti je rekao: Kakvo to društvo postajemo gdje je mjesečna plaća jednog nogometaša jednaka godišnjem proračunu jedne operne kuće."

Rozin kutak

Briga o narodnome zdravlju!

Piše: Ela Ernoić  

E, nete me dobili da se vključim v javnu raspravu a se cepiti ili ne, kaj napraviti z necepljenima, preboljelima, cepljenima i onima koji se tak smatraju iak se več javne na društvenim mrežama išče tzv. jahke popularna v ono nek tak davne doba (a rečeno mi je nježno da još ni vreme o tome pripovedati) gda ste stali pred drugarice i drugove i javne se samoiskritizirali pa onda dobili 36 mesecov Lepeglave a ne tri lete (i ne mislite da ste tam vučili kekljati (čipkariti) ili pri pavlinima latinski).

Rozin kutak

Samo bez politike, lijepe prosim!

Piše: Ela Ernoić  

Ja se nadam da sem vam falila, čak i onima kaj moje tekstove čitaju poskrivečki od samih sebe. No, ni treba da se ja sima dopadam, niti se meni si ne sviđaju sam im ja to nem rekla. Bum doduše zapretila fišlkalom i tužbom, ali Bože moj, pa si smo mi tu v Kvaki kak jedno, smo si domači, ne?

A kaj da vam velim, kak i se vas muče me dileme, pa se vidite i sami.

Nema gorega neg se petljati z politikom, ili kak je moja babica Međimurka govorila: “Proč od poulitike, tam nigdar ni znati ko kome zakaj i kam…!”

Rozin kutak

Kak kalemiti vu voćnjaku, vrtu, Velesajmu i ostale sitnice...

Piše: Ela Ernoić  

Taman se smiri bura oko štetnosti vode, kad evo, mam iza vugla dočeka me kalemljenje.

Kalemiti, cepiti morete sve, od trave do kamena, čak veliju neki teoretičari zavjera raznih da je i Covid-SARS-2, popularniji pod svojim kraćim imenom korona, isto rezultat ceplenja jenoga na drugi virus pa im je pobegel, ovaj se sam mogel odkoturati kak zgledi, iz labosa.

I da su to se si več prije znali pa se sad sam prave.

Rozin kutak

Zakaj voda ni zdrava?

Piše: Ela Ernoić  

Ja nemrem dojti k sebi, a kamo li k vami!

Nas Zagorce (a pogotov nas kaj smo haljbe-haljbe) nigdar nišči ne posluhne, pri tom se ne dotičem onih koji su se kak mi predstavljali a to nisu bili. Ni nakon 100 whiskeya i sviranja klavirov okolo. Npr. pri Krleži, doma.

Glejte, nakon filekov se treba spiti štamperlek žganice ili kupica vinčeka (more i moljok ili opolo) a nikak ne voda, nikak!

Rozin kutak

 

Kako smo započeli novu 2021.

Piše: Ela Ernoić 

Saki ma svoju količinu frke koju more zdržati, tak i ja.

Ni bile kak v Petrinji, no dermali smo se poštenski, crijepi su okolo padali pa i male zabatnih zidova, štenge pri susedima nakrivljene ali dobro deržeče, kak rečime, Sofija Loren, ili Nicole Kidman ali bez Toma Crusa. On joj ni to dal.

Pa se zibanje nastavilo.

Nekak morti z tim u vezi, javljaju nam rođaki z mora da tam septička ma jahki miris, tam se čouda događaju.

Ništ drougega, si sme se potrpali v auta (i Pes) i beži dole da vidimo kak se giba tektonska ploča Jadrana prema našoj sanitarnoj jedinici.

A, kaj da velim, bormeš se fest narivala, tak močno da je jeno tuširanje izazvalo vulkan smeđe definitivno ne - ljekovite tekućine. Kuljalo je sa sih strana…

Da to se poberemo sme potrošili 15 plahti (lancuna), nekolko jastučnicov i onu tamnoplavu bocu klornog dezificijensa.

Stručni štab Civilne zaštite naše hiže je otprl septičku. Jedva.

Kak žertve su pali dva slomljena pajsera i čekić.

Onda je SŠCZ n.h. dal zapovijed: do dolaska vodoinstalatera ne se tuširati, ljetni sanitarni čvor je vani i ledeni ali za silu dobro dojde.

I onda je došel Hitna intervencija i rekel:

“Ma judi moji, je li to moguće? A di ćemo ju praznit? Razbijen van je trajekt, cisterna ne more na Otok, razbija ga je XX a i da i more, ne more vozit po Otoku jer je cili raskopan. Radi se kanalizacija! Eeee, judi, šta ćemo?”

A, ništ, ve je Stara godina, bumo kak predi 60 let. A posle bumo našli nekve meštre od kanalizacije, pa su si na Otoku.

No, da ne duljim, imali sme i francusku i odojka i krumpira i kupljenu tortu i Bakarsku.

I se je bile dobre, sam je mene zgrabilo pri sercu, zemem ja TNT za serčeko i udahnem.

E, onda vam ja otplovim u Zemlju snova i nemam me. Takvoj mi ni smeti ni auta pelati.

Onda me zbudilo: 

“Mama, mama, gore se nešči tušira (pol 2 v jutro), nemamo više plahti, daj one debele ručnike, pliva opet smeđa voda!”

Juniori su se ustrčali, a Stijena stojički odišel na mjesto ločina z klorom i kantom.

Ni pazil na mene, zver se v meni probudila, jesemti, navodno da sam onima “ztuširanima” rekla sve od Geneze do sim kaj me moučilo. 

Zutra mi je bile jahke žal za se kaj sam rekla a i došel je meštar “od vodovoda i kanalizacije” i napravil odma improvizirani spoj na Otočku kanalizaciju a sad kopaju i prekopavlaju, i rade tak berzo da bi Zagreb bil več v travnju sav popravleni da su pri nami takvi meštri (a i lova fondova EU kak na Otoku).

Osim kaj su dotakli vodovodne cijevi stare 60 let pa nisme imali vode. Točno tri vure, jer je mam bil specijalist vza vodu pri nami sa svojimi pilama, cirkularima, aparatom za varenje.

Uzbuđenja nigdar dost.

Ugostili sme i policiju.

Graničnu i normalnu.

Jer nas je souseda vidla da bagerist iskipava zemlu koju bumo trebali za zaterpavlanje.

Iz Zagreba nas je vidla, tu na Otoku kaj delame.

Onda su policajci bili jako fini i bilo im nas je žal, pa su si se zapisali. Kak Otok zgledi i di su velike rupe kaj lahko človek nutri opadne.

I kak pesi ne poštuju higijenske uvjete. I sakaj sukud delaju. Jer im je napomenuto i da to dobro poglednu.

Onda su nas spitavlali a zname mi za kamere?

Kakve?

Pa one kak web-travel camere po bijelemu Svijetu.

Ne zname.

A, ove okolo pri susedima?

(tak sme skužili zakaj Australija zna kad i kojega krouha kupujemo i gda sme došli, kamerice imaju čerlene oči v mraku kak mački na krivem mestu).

Ispod maske ne znam kaj su si mislili, ali su im se okice zabavlale i povedale da su to tak otočka posla, a la “Malo i Velo Misto” i nek se ne uzrujavamo, a oni moraju dalje…

I, kak vidite, ak je po horoskopima, gatanjima, Nostradamusima, ove nam se Nove godine smiješi velika količina novcof jer smo je dočekali u opisanim sanitarnim okolnostima, odmah se posvadili i pervi človek kaj sme ga vidli (v naravi, čak dva čoveka) je mal uniformu.

Glejte, znate onu: nigdar ni bile da nekak ni bile i nigdar ne bu da nekak ne bu.

Tak bu i ve. Sam se nadam da buju nam se političari male promenili, pervo sme imali “mučečega”, pa “pjevačicu”, sad je “revolucionarni”, onda “sveznajuči”, a ministri nam se bave body-buildingom i radi pokazuju okolo isklesana torza. Pa kad stignu delati ak su tolko po teretanama?

Ništ čoudno neje kaj nemaju pojma ko di kad gdi treba topli obrok. Oni ionak papaju sam praškove za jačanje mišicov i gubljenje tjelesne masnoće.

No, ve moram iti, dolazi meštar od bagera pa na kraju, želim svima vama se kaj i nama, sam bez tolko drmanja, v politiki, medicini i narafski, v prirodi.

Vaša

Rozi

Rozin kutak

 

Kud moja šefica okom, tud ja skokom

Piše: Ela Ernoić

Drage moje, dragi moji! 

Pita mene danas jedna od mojih šefica, jel’ kaj mam za objaviti, a ja sam vam poznata po tome “kud moja šefica okom, tud ja skokom”, osim toga, epidemijološka situacija v Gradu i širše budi nade pa se opet morem malo zafrkavati. 

Ali sam malo, v politiku se nečem mešati pa nem puno. Mešala se, mislim.

Rozin kutak

Morski kutak

Piše: Ela Ernoić

Je, drage moje i dragi moji, fletno, čim smo mogli, zbrisali smo iz lijepoga nam sivog-Zagreb-grada v mir, osamljenost Otoka gdi su zvuk bušilica i kranova zamenili cvrčki (“...i cvrči, cvrči cvrčak svoj trohej zaglušljivi, svoj zvučni, teški jamb”, Vladimir Nazor, “Cvrčak”, morti neko nigdar ni čul za tu pjesmu, v kaj iskreno sumnjam) pa Stijena opet nemre spati (ja morem, sam gluha) a cementnu prašinu, pesek i sol nošeni jakim jugom i burom (ovog ljeta imamo vrlo blagu zimu) tak da i tu po malem zdihavlem ali barem imamo veliku šumu okolo.

Rozin kutak

Danza de los Diablos

Piše: Ela Ernoić

Ja vam mogu pri punoj svijesti potvrditi da me se vrlo lako može zbuniti lukavim izjavama, pitanjima namamiti na tanki led, a onda reagiram vrlo burno tak da sam ja svojemu advokatu jedini klijent.

Zato se izmičem politiki gdi god se morem, ali ona me nekak uvijek najde, čak i v  međupjesničkim odnosima pa ostanem kak Petrica Kerempuh, ni kriva, ni dužna, pod galgami.

Rozin Kutak

Si smo mi ipak sam ljudi

Piše: Ela Ernoić

No, pri nami uvijek vrijedi ona stara poslovica “ak ide, ide” i nemojte misliti da se u ovom momentu specijalno ne koristi.

Npr., cijene usluga svih vrsta zanimanja vezanih uz gradnju su poskočile nebu pod oblake, skoro pa da velimo, dohvatile duhovni vrhunac programa “Super-Hik” lika iz svima dragoga nam stripa.

Rozin kutak

Kak proživeti zrele godine v drugoj dekadi XXI stoljeća?

Piše: Ela Ernoić

Čitam ja po časopisima kaj slavni ili oni koji se tak smatraju delaju v ovim post korona-post potresnim vremenima.

I ja ih gledim pa si mislim kak je to hodati okolo z “Birkinicom” i bokcu kaj skuplja flaše dodati koju vu košaru a da te pri tome ni serčeko ne zazebe?

Bormeš ni recepti im nisu loši, naročito “jastog na žaru uz pjenicu od morskoga krastavca”, ali bum potrošila materijala za još jenu kolumnu, pa bum ve prestala.

Izbori, pa ne-izbori, bušilice, krani, zidari su mi pred, na i pod stanom, veliju stručnjaki, se bu to dobro, prihvaćanje stvarnosti more iti i lakše ak se okrenemo nečemu vedrijem (ne znam kak to funkcionira pri OPG-ejima i na farmama, mljekarnama, a maju tam ljudi vremena za tak nekej).

No, prihvatimo savjete stručnjaka i posvetimo se…

Rozin kutak

Obećanja, ah ta obećanja!

Piše: Ela Ernoić

Otprle su se granice sa Slovenijom.

Ovo ni kolumna za reklamiranje bilo kakvih proizvoda ili usluga tak da se nikog ne tiče zakaj  smo Stijena i ja danas bili v Brežicama... inače bih vam ja brbljava po prirodi rado se objasnila, ali pravila su n-e-u-m-o-lj-i-v-a!

Dakle, krenuli smo z naše vulice obavijene prašinom obnove koju su stanari počeli i bez ikakvih izglasavanja zakona (nekak mi se vidi da je netko i računal na tvrdoglavost naših ljudi da uzmu stvar, to jest špatulu i cement v svoje ruke). Automobil nam je opral proljetni pljusak pa su se pijesak i ciglena prašina pretvorili v blato skoreno na haubi.

Rozin kutak

Vanzemaljci

Piše: Ela Ernoić

I...tak, mjere su popustile, lijepe moremo do frizera, spiti si kavicu, k zubaru, okolo po institucijami ganjati papirje (toooo volim): “Bok daj, ja sem ona kaj vas nemre dobiti na telefon a na ni jen od onih 354 majla kaj sam vam ih poslala već 23-ćega mi niste odpovernuli…”.

Onda se oni nutra odma počnu križati kak koji zna i more, sam da me se riješe.

Rozin kutak

O kozmetiki, njegi v i posle doba karantene

Da vam se predstavim,

ja sam mama, supruga, domaćica, kuharica, kolačarica, violinistica koja je zbog invaliditeta svojih ruku instrument zamijenila tipkovnicom.

Rozi, Rozika, Rozalija, ime moje bake, pseudonim je pod kojim objavljujem nekoliko godina na Facebooku i na blogu recepte, priče, satiru, pjesme, pa sve pomiješam i dijelim životne savjete.

Teme su razne, jezik kojim povremeno pišem, dijalekt mog kraja, kajkavski.