utorak, 20. travnja 2021.

Rozin kutak



Kak kalemiti vu voćnjaku, vrtu, Velesajmu i ostale sitnice...

Piše: Ela Ernoić  

Taman se smiri bura oko štetnosti vode, kad evo, mam iza vugla dočeka me kalemljenje.

Kalemiti, cepiti morete sve, od trave do kamena, čak veliju neki teoretičari zavjera raznih da je i Covid-SARS-2, popularniji pod svojim kraćim imenom korona, isto rezultat ceplenja jenoga na drugi virus pa im je pobegel, ovaj se sam mogel odkoturati kak zgledi, iz labosa.

I da su to se si več prije znali pa se sad sam prave.

Bolesni.

Si su virusi nekaj izmed živog i neživog bića pa bi tom svojom karakteristikom bili idealni saborski zastupnici. Ili sindikalisti, ili ona teta kaj je sad tam di je a predi se borila za prava, ni mi smeti reči koga ili čega jer me more tužiti kak mi je obečala kad sam ju na jednoj čist normalnoj tračerskoj kavi (još su me onda zvali v fensi društva) prozvala a na kaj ona troši našu lovu.

Jednak sam izbačena isto iz drugoga fensi kluba kad sam rekla da mi doma nismo imali pese kak JBT zato da mu se upucavamo i da moremo delati umjetnost, neg čistokrvnu širokoledinsku (jedan jako dragi del Varaždina poznati kak konkurent Vijetnamu, krčmi v južnom dijelu Varaždina) kujsu koja je imala karakter iak se ni znalo ko joj je tata pa su nas još v to doba JBT-a hitili z općinskoga stana, starcima su otpilili pol inžinjerske plaće jer se ta priča o širokoledinskoj čistokrvnoj pasmini nekak uspela povezati z politikom.

Opčenito govoreči, meni se navek familija najde tam di se najde ni kriva ni dužna.

A kaj da vam velim, ja sam vam istinski vjernik, ali nekak mi slabo ide priznanje istočnoga grijeha kad se več zna da se i amebe pri razdiobi zažare, treptaju i kak da uživaju, ja vam ne verjem v NLO-e, Ravnu Zemlju, Donalda Trumpa (Melanija je več nekaj drugega), tablete za mršavljenje i nije mi se zakalemil normalni limun na sibirskoga kaj ja objašnjavam z činjenicom da sam ga ja procepila a nisam baš v tome iskusna.

Kak ni gospon kaj sam se z njim spominala kad sam…

A kaj da vam velim,mene birokracija obožava, ja sam vam v stanju ak treba 8 vur biti na telefonu, 34 put oditi v istu kancelariju, prespati v hodniku da v jutro čim dojdu zahačim službenike.

Več si znate da sam koronu imala. Ispale su mi lasi, čak sam malo i zmršavila,hashimoto se razdivljal, a antitijela su kak da su me cepili dva put.

Inače sam se odma prijavila za cepljenje, dobila sam broj 25478 ili 25487, ko bi pamtil te sitnice?

Onda “Petrova 3” objavi da traži davaoce krvi kaj su preboljeli koronu zbog najboljšega lijeka protiv korone, plazme kaj ju naprave iz te krvi bivšeg koronaša.

Kak Sid iz “Ledenog doba” uletila sam tam vičući “Še bum vaš špašila, šam bujte mirni!”.

Onda su me pregledali, pa moju krv, pa ustanovili da mi kervca moja zagorsko-međimursko-mađarsko-austrijsko-škotsko-židovska ni dobra jer mi je preveč gusta, pa još nekaj pa hashimoto.

Jecam, naričem, ali ništ ne pomaže ni

“A, morti morete baš nekom kak ja dati tu plazmu pa mu ne bu ništ?!”.

Beskorisna, total, no dobim naputak, da smo izgleda dobili dva šuta korone i da se ne cepiti jer su titraji (boktepitaj kaj je to) veliki, pa gusta krv, veliki trombociti, uske žile, nego dojti nakon šest mesecov opet na mjerenje titraja a do tad buju več zmislili i cijepivo 657 po redu morti bez kontraindikacija krvnih ugrušaka moje kakvoće.

I onda, iznenađenje, v sredu me obavestilo SMS-om da v petak 16.04. v 11 vur dojdem na Velesajam na kalemljenje.

Ja s rednim brojem 25874. i poslali mi broja kojeg trebam zvati ak sam bubina ili imam nekve kontraindikacije (?) pa me nemru nakalemiti. Tj. nemru mi nakalemiti cijep.

I ja nazovem.

Nakon 15 minut i “Vaše nam je mišljenje važno, ostanite na liniji, šesti ste po redu!”, grubo su mi zaprli slušalicu.

Onda zovem ja svoju dr koja mi veli, ipak morate zvati one koje su mi rekli ak ne onda zovite hezejeze.

Zovem ja hezejeze ne sam v Zagrebu neg po cijeloj LIjepoj našoj, dobim nekvi broj, zgodni muški glas, veli on meni “Gospojo, sad vas spajam direkt sa Zagrebom!”.

I fakat, evo Zagreb, evo ja sam ta i ta, a on meni (opet muško), polako, kud ste navalili, zašto zovete?
“Zakaj zovem? Molim jednu Napolitanu z dodatnim kečapom i dva Ožujska, jel vi to mene zafrkavate?”

Glas poprima vvrrrlooo službeni ton, idemo po redu, ime, prezime, ja velim dajte prvo OIB, ne, čekajte dok do toga dođemo… aaaa, evo, OIB je prvi!

Čudi se moj novi prijatelj.

“I, koji je problem?”

Ja počnem ko, zakaj me tera njega zvati, a on:
“Budem zapisao, možete li mi sricati te dijagnoze?”

“Molim, pa kaj je vama, kaj vi tam delate?”

“Ako vam ne odgovaram dam vam broj Šoštara pa njega zovite…”

To me splašilo, pa nisam ja trbušna plesačica, imam dve lijeve noge, za moje lete more dobiti tri prave profesionalke, mislim, medicinske, ne?

“Ok,ostanite z menom, recite kaj još moram napraviti da objasnim zakaj mi se ni smeti kalemiti sad?”

“Čujte, ja sam popunil sve kućice kaj tu vidim”, veli on sad več vidno smiren kak i ja.

“A mi morete reči, kaj specijalizirate?”

Lijepe ga pitam.

“To bum još videl, tek sam druga godina sociologije…” (nikak pobeči od sociologof, predodređeni su mi kak i dirigenti…

Onda sam malo odahnula, ali samo malo jer su me iz hzmoa tražili da opet podnesem zahtjev za dječji doplatak na kojeg nigdar nisam imala pravo a sad još manje jer su juniori odrasli.

Pitam, zakaj.

Zato jer to njih traže Nijemci jer je Stijena NIjemac pa da dokažem da nemam ja tu dječji doplatak.

Onda sam opet pukla i rekla svakaj svakome tak da je Junior rekel da sam stvarno kak kočijaš i da se nek počnem ponašati kak odrasli čovek. A da to i njemu dozvolim. i Juniorki, da buju odrasli.

A kaj bu onda z menom, ja bum izgubila identitet mame kvočke…

Ne, politika je moja šansa i ovo su poslednji izbori koji idu bez mene.

De facto, si kandidati kopiraju jedni druge, si ponavljaju se ono kaj čujem još iz doba JBT-a, lijepa plaća, ništ nisu odgovorni neg sam mi koji ih biraju.

Di oš ljepše, još se bum proglasila za doživotnu precednicu kak Kim Il P…, pardon Ung i ukinula bum demokraciju, vite da sam dela kaos.

Vaša navek vjerna Rozika

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.