Rozin kutak

ROZIN KUTAK JE SPET TU

Piše: Eleonora Ernoić Krnjak

A kaj da vam velim, morti je to rezultat groznice, zime, reklama, izbora. Falila sam sama sebi.

Rečime: reklame.

Se i si pripovedaju o Blagdanima.
Ok, fali meni prava ona reč, ali ruku na srce (bez himne), kak moreš nekom čestitati Božića, a na reklami su dve dame v onak vešu kaj više otkriva neg skriva i si su oduševljeni…

Ili dame v čarapama ko da su pri ženologu se prešetavaju a ono ispadne: kupite novi auto,
prejde na bateriju više neg normalni.

Saki človek si pomisli na rečime.... flaksericu, a ne na auta. 

No, gledite dve curice z ciglami v rukami. One to hiču jena drugoj pa ispadne: koupite si
novoga interneta i se bu "Sim na zemlji...".

Opčenito su ve reklame postale poune poezije.

Čak i političke.

Predlažem da nešči sebe zreklamira ovak:
"Slijedite svoje črleno serce, bu vas otpelalo ravno na Istok ili Sjever. Sejeno, bou vam
droukče neg je naj."

Konkurencija se prekopira osim kaj ubaci mesto "serce", "douša".
Glejte, meni se to zgledi isto, fakat nema razlike zmed Draganovič Visarionovič Staljin ili Mi Il
Mun.

Originalno bi mi bilo:
"Mi ništ nemremo, vite da nam ni znati ni lagati. Z nami boute navek znali na čemu ste!"

Konkurencija bi se mogla setiti pa mesto nogometaša uvaliti slogan:
"Od hladnega ali starega piva človeku more biti zlo pogotov ak se čouva v toplome bazenu."

A more i ovak pozitivne:
"Birajte nas pa buju si doktori mali vile z bazenima a partneri/ce buju postale ne regionalne
neg Svemirske zvezde, čerlene."

Ipak, tou nekej ni tak dobrega, zapraf: te se začerlne predi emplodiraju pa se pretvore ili v
črnu rupu ili beloga patuljka. Zvezde.

Imam još jenu:
"Ja mam IQ 167, kak Šeldon z "Velikega praska" i normalno je da mi ni moreti znati kad je
nešči sarkastični ili neje. Zate sem rekla Ceca ali sem mislila da me pitaju za Bartolicu, onu
opernu pjevačicu, ne BartUlicu."

E, ve je i dost rasprave kak se si kandidati smeše z plakatov (zgledi da maju zajedniškega
pregledača jezika i zoubov, ak me razmete kaj mislim) a v običnom vremenu i prostoru plus
još dodatnih par dimenzija (privatno, privatno-sakrito, privatno-javno živlenje) sou merki kak
vlasniki štandova gdi fritule koštaju kak celi picek. Domači, ne od onoga taj-kuna.

Ja se tih zoubov splašim. Me podsečaju na Crvenkapicu i vouka. Ili su morti sarkastični?

Sem ve pročitala da morete dobiti nofce ak ste v biračkome odboru.

A ja bi trebala zaraditi od kandidatov za precednicu/ka kaj sem ih zreklamirala!

V tergovini, ak reklamirate kaj ste koupili a ne odgovara vam, verneju nofce ili vam proizvod
zamene.

Nažalost, na Izborima to ni moguče.

Bogeg moj dragi, pa kak se ja navek najdem negdi v politiki...

Za ve je dost.

Kultura bu sledeči pout.
I poverenje.
I Obnova.
I EPPO.
I rezultati izbora.

Vaša navekvjerna lajfkoučerica i kolumnistica

Ela-Rozi