utorak, 12. svibnja 2020.

Denis Kožljan | Koridor




škur u škurini,
velik kako gromača,
daje sinjale
da grda je,
pensala san unj
posaditi rože,
ma ne gre,
se ne takivaju,
falšo je sime,
vrime šempijano,
stojin dube na vrati,
slabina,
gledan gori,
poteže me doli,
koridor se kanbija
zadnjih lit,
uškrnjen je u štatu,
nima ga ki tenditi,
partili su svaki za svojin,
ma jušto kamo
ne kapin aš dela ni,
škole ni,
ažili njanke,
ki doma ima moderni telefon,
je sričan,
ki nima, grda mu se piše...

_____________________________________

koridor-hodnik
škur-taman
gromači-kupina. bodlje
sinjale-signale
da grda je-da je loše stanje
pensala-mislila
rože-cvijeće
ne gre-ne ide
takivaju-uhvate
dube-na nogama
uškrnjen-malo razbijen
štatu-obrazu
tenditi-brinuti o njemu
partili-otišli
ažili-vrtići
dela-posla
kapin-razumijem
grda-ružna

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.