Kolumne

utorak, 17. siječnja 2023.

Milan Frčko | Podravski ftiči vu sečnjo


Tu prhajo ftiči sakačkog perja.
Posebno je vesel mali batokljun.
Seničici šepeče: "Odi z hiže vun
i vžila se bodeš i ti veselja".

Sonce ftičima v joči tak blešči
kaj vide farbe kakvih nigdi nema.
Perja se bode vžila i nedela.
Stari vrabec mladoga za fraklec drži.

Zelendur vrapcu veli: "Zrnje ti bom fkral",
i fletno spred njega zrnje pozobači.
Of flegma veli: "Ništ mi to ne znači.
Ja bom za pajdaša i živlenje dal"!

Najbole prejde ftič kaj je na krovu.
Čim spusti jedno, zdigne drugo nogu.

Foto: Nikola Wolf .

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.