ponedjeljak, 23. ožujka 2020.

Milan Frčko | Smuđ





S perajom na hrpto štel je precvikati
žnoro kaj bila je fest napeta.
Šmrkli so cureli s podravskog deteta
predi nek je i smuđ začel slifkati.

Dogačko glavo i fest oštro gubico,
predi ribiča mesec je poškical.
Smuđ se po dravskim valima smical
kak loj po sveči gda vužgem šibico.

Velka, rasečena vusta od ribe
i zobi kaj prema vnoter so zrasli,
bleščeče joči od ribiča vide.

"Ka ne teček, kak so to lepi glasi"-
glasile so se znatiželne zvezde,
kaj z lopočima na Dravi se gnezde.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.