ni ča više čud pensati,
glavu si razbijati, škatulu
konpjutera u krilu imati,
dofulilo se niko vrajže vrime
kad sve kanbijalo je busolu,
ud danas do sutra drugašlji
plani, niš isto ni kako i lani,
komedijaju vitri, nebo se pogubilo,
zlamenja u vriči, febra tuče.
tilo se umirilo, a medigi kolo vode,
umisto gripe, zajaha nas je virus
zdalekega svita, štufa san drugo
i preštufa, moliva se nikako harta
kadi san lipe verše takivala, glava
bi reči da je bolna, ruke trde, ne drže,
jadi se čovik, ovce mu biže,
iščen unu moju kantu ča roženica
se špjegiva, koliko če durati čine,
jeli se moren sutra ranije ustati....
________________________________________
žmnji-strahu
čud-puno
pensati-misliti
škatulu-kutiju
dofulilo-polako pristiglo
kanbijalo-promijenilo
busolu-kompas
lani-prošle godine
zlamenja-čudesa
medigi-liječnici
kolo vode- imaju glavnu riječ
štufa-umorna
moliva se harta-otkida se papir
iščen -tražim
kantu-pjesmu
roženica-istarski narodni instrument
se špjegiva-zove se
durati-trajati
čine-cirkus
moren-mogu
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.