srijeda, 19. veljače 2020.

Katarina Zadrija | Megla



Moja megla, moji pouti
Steze stare posred šume,
Zajec moju duhu čuti
Zaletel se on nebu vume.

Mehenj frišku duhu ima,
Mekek, fajten, paše mu mrzljina,
Gde gde same suhi list mu farbu kvari
Žouta piknja sred zeline.

Jafče kosten, srnjak roge brusi
Pusti v megle ti su pouti
Čak i kača v duplje se zavljeka
Jež još same listje kupi

Megla, megla kakti zastor
Mali ti je ostal prostor
Vu čkomine, vu mrzljine
Iskonski pomaze samo nagon.

Mrzli haman
Meste tela dušu čisti,
Vu čkomine
Se poslože misli.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.