petak, 6. prosinca 2019.

Milan Frčko | Pismo



Dečec nemre spati. Kojekaj bi štel.
Nipisal je Mikuli kak oče sestro
i auto velki kak je digano testo.
Gda je svetec to videl, olofko je zel

i fletno zacajhal: "Reči si japi,
nek ti drugo leto sestro dopela.
Moj hrbet je zdavnja starost prevzela.
Vezda ti morem samo volan dati,

a na leto se boš z getribom štimal.
Lapec ve na klecalo veselo brni,
a japa gonđa: "Ti boš se rasklimal"!

Noč je. Nešče šepeče; "K meni se obrni,
kaj ne bo sin bedastoče pisal.
Da sem ja to znal, sestro bi narisal"!

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.