Kolumne

petak, 6. prosinca 2019.

Milan Frčko | Mikulinje


Firango je zdigel i škornje škical.
Bleščile so kak i steklo od obloka.
Cukorline je sipal, onak, od joka,
Mikula, za kojim se krampus smical

i vrbine šibe vu škornje nametal.
Prefrigani dečok je vu pol noči
se to videl. Razrogačil je joči
gda je čul kak je njegov brat zabečal

i đipal po sobi z dve suhe šibe.
Japa ih je z lančnjakom fletno vmiril.
Mater ih je pitala jel oni vide

kaj se trefilo? Japa je več pilil
vrbe kaj rastejo tekarek vu senjo.
Brat je na šličuhanju mam duga vrnol.
Dečok je vu vodu opal, a on se obrnol.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.