ponedjeljak, 11. studenoga 2019.

Milan Frčko | Martinje



Mošt je začkomel gda je Martin došel.
Šinfal je i falil se kaj je stigel.
Jen čas je škical. Neje dobro videl,
a onda je pital: "Kakov je to posel?

Samo z jenog trsa tulko mošta zide.
Od ovog bučkuriša znorel bi i ja.
Ne bi se štel mešati , al samo Bog zna
kak bo gdo zgledal gda skonča Martinje.

Mesto mošta vino greje vusnico.
Zdignite vuha, nem zabadaf molil.
Ide i žmirečki. Kraluš vu svrablifco

požiraka čeka , kaj mu bo vgodil".
Bože, kakve lepe glase ja čujem
gda čez ravno Podravino putujem.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.