Nišči neče moje senje
pak ih vliečem
čez brege i tunele
Z podrapane vreče
se se prosipavlje
Proklete luknje
nigdar pokrpane
Pogleč me!
Kak bokca sirotu
kak drač neželjeni
stoječki spim.
Morti
morti bu nešči došel
z rukami da me zvlieče
čez kmicu moje
gliboke vreče bez dna
Hofam se
morti
morti bu...
A žmehka je vreča
žmehke mi noge
žmehke misli
Kak f blatu
ne hupam se pomeknuti
same se gliblje
i gliblje
propadam
I tak senji su moji postali more
more bez terih se nikam ne more.
(objavljeno u zborniku „Cvetje od mraza”, 2017., 36. KAJ D. Domjanić)
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.