ponedjeljak, 1. srpnja 2019.

Darko Foder | Damača rieč


De su mi koareni?
Kom me serce furt vlieče?
Tom de je grunt, hiženjka stara,
tom je vugrad i pluat, tom su me seče.

Neke me tira pad Ivonjščicu na brege,
de žive ljudi štere poaznum,
familija, pajdaši stari i kalege!

Tom su bajeri, hoste, garice,
sinakuaše, njive,
paznate steze i živice.

Tu tič se javlja, jastreb leti,
koakat papieva, krava muče,
veverica skače, serna beži,
žaba krekeče, soava huče.

Zave me stari hrast,
murva i čriešnja.
Zavo me rieči damače,
štere ad sieh penez i bagatstva
više mi znače.

Če astone bez karenja,
koa ti znači starem drievu
so listje, terda serž i čversta kuara,
jer bez karenja drieve mrieti muara.

Tom de si znikel karenje pusti,
paslušaj glas svuaj
i damaču rieč de ti veli:
„Tu je duam tvuaj!“


2. nagrada na kajkavskom natječaju
„Draga domača rieč 2015.“

1 komentar :