ponedjeljak, 24. lipnja 2019.

Ljubica Ribić | Ferdamano zavuzlana pesma


ždere greške
hiti ih vu bezrečje
MOUČI kad rine
i rine moučeč
prek stene
Plen je
i zna da je vu njoj skriti
del neba i del mora
KRIČI v redu
i ni ga reda
kad su reči bodeče
pesma je samo pesma
kak je dete samo dete
Nebo se neda prehodati
i zemlja nemre leteti
človek je samo komadek praha
zabit v trdu zemlu
NE VUPA
nemre
NEZNA
kak je nebo bilo čisto
kad njega ni još bilo
kak je more mirne
kad je nebo čisto
Človek je greška
i greška ždere reči
i pesma je vulkan
koji bruha
KRV ZEMLJE
i ždere se

Nema komentara :

Objavi komentar