nedjelja, 2. rujna 2018.

Milan Frčko | V blaženoj kmici


Celo noč so me lopoči kušuvali.
Mesec je, u firangama od vrbinog listja,
šlatal ftičja gnezda.
Zvezda severnjača presvlačila se
f kmici i škicala narajcane senjave
koje so se furt šnjofale.
Kmica je kak babica skrbela o košuti
i lanetu kaj se malopredi skotilo.
Jelen se stiha poscal po svoji međi.
Skunkači so skunkali kaj da so znoreli.
Rodi je rep od miša z kluna visel.
Prijel sem se za čon, z veslom kušnol Dravo
i stiha joj šepnol: „Ti širiš vekivečnost
i obnavlaš podrafski svet“.
Vali so čona zibali tak dogo, dok neje
zaspal.
14. 8. 2018.Milan Frčko.

Autor slike: Milan Frčko.
Tehnika slikanja: uljane boje na platnu.

1 komentar :

  1. Dok čitam tvoje stihove osjećam trnce po desnoj ruci. To su moji komentari za sve tvoje pjesme. Izreći više književniku čije pjesme obožavam bilo bi, od mene obične spisateljice, doista suvišno.

    OdgovoriIzbriši