Kolumne

subota, 16. prosinca 2017.

Denis Kožljan | Mačak















mačak, črni kega više ni,
poli ognjišća prede,
z nogon
u lugu preče, ništo išče, ki če ga
kapiti,
zihne dva tri put kako
da stija bi mi reči par besid,
gleda me na milo, sunac moj mali,
ča ti paraš da je meni bolje na ten
grden svitu,
volila bin napro da te
iman poli dase, u krilu, da me tepliš
kad zabili se korta, a svraka na goloj smokvi
navisti još zime...
kemu je laka...niš drugo
ni kako i nikad...volila bin tornati vrime
od ditinjskih đogi, kolembanja
na staren orihu,
čuda puti sanji me na te moj Črni domisle,
pak jopet dopren oči, zamagli mi se,
aš kurijera trubi, viture munjesaju, krstijani
gube sebe u svitu preše pak i mačak kega više
ni ...to mirakolo ne razumi...

___________________________________________________

lugu - pepelu
išče - traži
kapiti - razumjeti
zihne - zjevne
paraš - misliš
grden - ružnome
napro - jako
poli dase - uz sebe
korta - dvorište
tornati - vratiti
đogi - igre
kolembanja - ljuljanja
domisle - sjećaju
kurijera - autobus
viture - automobili
munjesaju - glupiraju se
krstijani - narod
preše - brzine
mirakolo - cirkus

Nema komentara :

Objavi komentar