Kolumne

četvrtak, 2. ožujka 2017.

Katarina Zadrija | A mene je itak se sejene


Baš mi denes nikak nejde
Ni penkale mi pisati neće
A volju imam
Žarku
Na papera deti
Kak se čutim
I baš mi je se sejene
I dan za danem prejde
Bejži kak zajec
Vloviti ga nemreš
Jutre osvane
I već je kmica
Po kmice leti
Coprnica
Meklu zajaši
Da se se praši
Pak smeje se i kriči
Da zbude se si tiči
I kričati začnu sega glasa
Da coprnica mam pritrisne gasa
Za nju još se kadi
A jate tičof već se svadi
Koji glasneši je bil
Koji coprnicu
Prvi je spazil
Dok svadiju se oni kak bedaki
Jastreb najslabšega hapi
Pridruži mu se i kuna
Ščapi ona i vekšega kopuna
Dok tiči bez glasa su ostali
Spazili su da su goli
Grabežljivci sake fele
Sove jastrebi i kune
Opukali su njihove anjcune
A mene je itak se sejene
Navek nadraplje
Koji preveč kriči
Tak i ovi moji tiči

Nema komentara :

Objavi komentar