Božica Jelušić | Štef je narisal

Ilustracija: I. Kranželić.
Ciganski knez, obojena glina

Štef je narisal roza kravu,
I napravil joj velike roge.
Kravica pase cinober travu,
a čordaš ima dve leve noge.

Štef je narisal žuto pole,
i rožice kaj po njem rasto.
Brege kaj ido gore-dole,
I jenu šumu na ljubičasto.

došli so majka, obrnoli joči,
(baš nikaj neso reči znali).
Mislili so si: "Nema pomoči,
v glavi mu cela pilana fali!".



Onda je došel Talijan,
oblečen kak ciganjski knez.
Pri Štefu bil je celi dan,
za glaže dal mu torbo penez!

Štef si je kupil roza kaputa,
cinober škornje, dva para 'lač.
Tu je ganc nova robača žuta,
i ljubičasti autač!

Majkica vele: "Nema ga doma,
ve si po grado deklo išče!"
Ljudi si sakaj misle počkoma,
A naglas nikaj ne veli nišče!