Katarina Zadrija | Kej ja imam skup z Monetem?

Vrčak morti, 

sem ga imiela, 

brez bajera i lopočov

i potok Veljiku 

brez čona

slikarskoga platna 

i ateljea.

Sounce v rasvič

mi se dopada, 

vu grabe gda se

farbe pretaču

z nebeske proge.

Pariza nigdar nies vidla

a morti ni nem.

Predvečer bi najrajši 

v črljenem morju se ftopila

i v jutre se na lopoči zbudila.

Za Moneta su rekli da mu je

umetnost nedodelana. 

I moja je pesma 

de koja za dodelati.

I dodelavam je, 

em znam

po moji se pesma

ni jedna grana 

če baš i f šume

ne zvala.

Kej imam skup z njim? 

Same oke kojemu se dopada

pretakanje farbe vu farbu

drbanje svetla, lahor na vode,

tancanje grani, 

pejzaži z finu nitju tkani.

Slika kej dršče kak deklica

pred prvi kušlec. 

Same to me k Monetu vlječe!