Eda Budić | Po guštu

Sva sreća da je neki

ki je jako čuda plaćen

za povedat kako regulat kućo

reka,sat od malo,

da zidi moru bit kolor

ki ti je namot,

da ne moraš jušto sve

nonetovo i nonino pohitat ća,

da moreš puštit vetrino

kajsta ima deboto sedandesiet liet,

da ne mora jušto sva namještaj

bit jednak,

na zid da moreš zavesit 

sliko kojsto ti je darova sused

(on je i naslika),

libri da moru bit na mestu

na kejsten ćeš ti,

a ne posloženi pod špah,

ku se tebe nešto pježa

da moreš stavit kamo biš rada.

Sva sreća.

Donke moren živet kako ja živin

a ne kako piše u djornalu

da živiju oni ki najbrže

ne kuhaju čistiju igraju se

delaju- živiju.

regulat- urediti; bit namot-sviđati se; pod špah- po špagi; pježat- sviđati se; djornal-žurnal,novine