Snješka Budanec | Vrni se

Vrni se na poute

bregi su budni

mrkle je oke

Megla se diže

kotrige napni

nek krf čvrguli

Na mrzlem dahu

i hrabren je bedasti

Vrni se na brazde

potoki su budni

suhe je v duše

nebe se otprle

dežč se zlejal na poute

Nek poteče popievka

na mokrem dahu

Vrni se pod brajde

ceceku pod brege

žejne je serce 

plačne je oke

Noge tancaju

huškanje odzvanja

z brega na dol

Vrni se k hiže

stare mati

budni su bregi

husta po vrganji diši

stari hrasti 

treseju se od veselja

Tičeki se spominjaju

kad se Kajkavec vrne

na svoju domovinu

Vrni se domače rieči!

Čuj kak Kaj liepe teče

čez poute

čez brazde

na briegu i pri potoku

vu huste

pri hiže

vu sercu i duše

Vrni se...