Davorka Črnčec | Trakoščanu, z koroša Ravne gore

Ravna gora obče nije ravna 

kak ni cesta štera do nje pela.

Zavijene steze, puti, tu od zdavnja

kak nabrana Bednja, takšna je cela.

Beli je dvor v njenoj dolini šegavi 

jer sem ga denes samoga pustila. 

Ne zna da celoga sam pota doli 

njega videti znova se veselila.

Dok god mi je v oko zišel odzgora, 

moji su koraki ne imeli straha.

Sako malo sam se nagnola z koroša

i saki ga put vidla, mu pomahnula.

I prej neg sam mu blizu došla,

spustila se z gore kaj bi doma pošla,

rekla sam mu fala i kak mi je lepi

i da Ravna gora obče ravna ni.

________________________________________

obče – uopće

štera – koja

nabrana – kojoj su formirani nabori, na platnu

šegavi – ne baš dobre volje 

koroš – balkon za crkveni zbor;