Aleksandar Horvat | Krumpirišče

Složili smo krumpirišče,

Tak lepoga nema nišče -

Skrili ga na breg, v gorice,

Proč od vrlca i zlatice.

Krumpira smo deli v jarke,

Semenskoga, jake marke,

Se kaj treba smo mu dali,

Pleli ga i zagrnjali.

Al’ je suša letos pekla,

V sonce brega je oblekla,

Nema dežđa, nema megle,

Cime su na tla polegle.

Seljak biti, treba znati,

Šteli smo pet vreč nabrati -

Dok sem v krumpirišče zašel,

Jedva sem pol kante našel.

Prekopal sem četri hvate,

Drača ima kak šalate,

V zemli zmed korenja sega,

Baš krumpira slabo jega.

Krumpirišče... nisam vesel,

Krumpira je vrag odnesel,

Krumpirišče, krumpirišče,

Mesto gde se krumpir - išče.

(A. Horvat, 9/2021)