tako gledan u škuro nebo
zvezdice miće miće
luštre i mirne
tamo visoko visoko
dugo dugo
more je bilo jako jako
teplo i drago
zibalo me je i nosilo
govorin to sama sebe
padaju suze svetega Lovre
svaki put se strunin
ne od straha
od nekega mira
ne znan kako da van rečen
gledan i gledan
forši hip
kratki kratki hip
bin mogla vidit
tebe
____________________________
škuro-tamno
miće-sitne
luštre-sjajne
dugo-daleko
strunin-stresem
forši-možda
hip-trenutak
bin-bih
vidit-vidjeti
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.