Zdenka Čavić | Labirintum

Kaj je prava mera

za lucko pamet,

za lucko glupost,

kak bi moglo resti

lucstvo i poštenje?

Se nas više jega, 

pameti je sê menje.

Temnica je labirinutum 

vu njo čovek hodi, 

pred sebo ne gledi

vuznik vu nje blodi.

Glubine so vekše, 

od sake planine,

vlezne vu njih 

brez pono pameti.

Neje se setil,

da tam svetla nega, 

tam svetlo ne sveti.

Človeku ńe spasa.

Brez svetla vu duši

na pelin nabasa.

Al' nega meda, 

kaj bi ž njim ga mešal,

kaj bi ga leže pil,

težavo podnašal.

Lucstvo je dar,

pak z labirintuma

treba znati ziti

z više pameti. 

______________________________

temnica-tamnica

vuznik-zatvorenik

težava- težina, opterećenje