Kolumne

subota, 27. kolovoza 2022.

Željko Bajza | Treb se je glasiti


Sami mi Hrvati svoj sme kaj preganjali.
Živime vu vreme dokumentev i vsaki ud nas ima problema ze svojim živlenjem.
Ar čutime i dah drugeh planetov.
Vu prenosive iskustve se moreju zaviti
same oni teri nisu putonuli vu zaborav.
Kukuljević horvatski govori.
Demeter ima kajkavizmev, dok su vnogi revni vu zablude.
Gda je nestala poculica, zlomila se dramaturška osnovica.

Veseliju se kajkavske pupevke vu “Cithare octochorde”.
Pratiju ih “Szveti Evangeliomi”
dok se španceraju preg “Dušnega verta”, pupevajuč “Drnjanske pupevke”.
Leksik iz zazidja štel je zdrubiti naše reči, do prozodije reči nije lehke dojti.
Maretić i Daničić zagovaraju pulitiku tišine dok traje ozbiljni pritisek teri odnos je odnesel

Narečja potvrjujeju vernost poreklu.
Vu prafenomeneh, fizičkeh i moralneh, nahaja se one kaj denes jesme.
Zakon je ne zneveriti tradiciju.
Treb se je glasiti, glasati, glasuvati, nadglasati i nadglasuvati.


Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.