Kolumne

Jelena Hrvoj
Patnje mladog autora

Ela Ernoić
Rozin kutak

Mirjana Mrkela
Ispovijed jedne čitateljice

Jelena Miškić
Pramcem u sumrak

Martina Sviben
Sve je to u glavi

Aleksandar Horvat
Kajkavsko najže

četvrtak, 24. lipnja 2021.

Irena Matijević | Gomile



Vridne ruke težaške,
Iz zemje vadile, išavale,
Bašetinaman šaldavale, podsukanjavale.
Gomile gradile,
Ograde činile,
Na lajčiće zemju dilile.
Šaku zemje škapulat,
Ne dat njun propast,
Stinu na stinu stivat,
Laz učinit,
Lozu ili levandu usadit.
Svaki pedaj iskoristit,
Na trud i muku ne mislit.
Ostale su gomile
Lajčići i ograde,
Ruke su klonile,
Na golon stini
Ničega već ni.
Ni loze, ni levande
Naresla česvina,
bor i kupina.
Ni već onih ča su gradili,
Ni onih koji su sadili,
Nikoga već ni,
Samo gomila još šaldo stoji.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.