Kolumne
Jelena Hrvoj |
Eleonora Ernoić Krnjak |
Martina Sviben |
Mirjana Mrkela |
Aleksandar Horvat |
četvrtak, 18. veljače 2021.
Milan Frčko | Pepelnica
Z pepelom od svržja od lanjske Cvetnice
cajt me je na Čisto sredo posipal.
Z Jezuševom mukom dušo bom ščipal,
gliboko gruntal i zmenil svoje srce.
Mam sam se zmislil kak sam prašina bil
i bodem se nazaj vu prašino vrnol.
Evanđelju verujem. K Bogu bom navrnol
i v Njegovi svetosti dušo si vmil.
Znutra se bom četrdeset dneva čistil.
Denes je post i samo jempot bom jel.
O Jezuševoj muki, smrti...bom mislil.
Korizma je. Dušo sam f pokoru del.
Na Velki četrtek bodem Božje dete.
Predi toga moram zmeniti sebe.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.