petak, 29. siječnja 2021.

Milan Frčko | Velka voda


Tlak se zdigel. Drava zemlico plavi.
Ne bi me ni sajlom vu hiži zadržal.
Gda je tlak padal za čelo sam se držal-
gruntal je bača. Čon ga je pozdravil

i odpelal spod zmržnjenog listja od vrbe.
Vudica se kopitala v zrako.
Spazil je f čonu jeno malo mlako.
" Trdokoren sam ja. Mene luknje ne srde"-

stiha je gonđal. Vodičnjak se zvinol,
predi nek je opčutil vu laktu šusa.
" Pustil bom nek vleče i onda curiknol.

Baš me briga če se oprava zamusa.
Minusi ribe fkane, a ja tebe".
" Senjal sam te"- šepče smuđu kraj sebe.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.