Milan Frčko | Pepelnasti den

Pepelnasti den f sobu me zaključal
i čkomečo knjigo vu roke mi del.
Nesem mogel čitati ono kaj sam štel,
nek zgublena slova. Klel sam i pljučkal.

F peščanoj vuri pesek je bil muden.
Topli travovabec je vreme meril.
Veter se kopital i čez oblok kesil.
Nisam nikaj spal. Stalno sam bil buden

i vu kmične verse se popikaval.
Cajgeri so meli maske na lico.
Zgubleni cajt je mojo dušo šlatal

i šeptal mi nek nejdem na vulico.
Bogzna gda bode dežđ cureti prestal.
Se je namočil , al nikaj neje opral.