utorak, 31. prosinca 2019.

Darko Foder | Černi časi




Černi časi,
            biele vrone,
z graktunjem nas
                        se nahrone!

Fučkume si
            kak sme siti,
            šteče su nam
                        naše riti!

Če bi šteli
            neke reči,
            mam nas fčehnu
                        fejst pa pleči!

Pogni glavu
            some klimaj
            pone vere
                        vu nas imaj!

Tak gavore
            se te vlasti,
            štere znaju
                        some krasti!


_____________________________
Zbirka pjesama „Zviraj rieči“, 2015.




černi časi – crna vremena, fučkume – zviždamo, šteli – željeli, mam – odmah, fčehnuti – zamahom udariti, fejst – jako, pa pleči – po plećima, štere – koje

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.