I nahereni križ vžil se čoveka,
škicanja, šmrkli, cvetja i bečanja.
Lepo nas zlecajo naša sečanja.
Smrt nemreš fkaniti. Nema tog leka
koji vrači od praha i pepela.
Tekarek ilovača sav beteg zvrači.
"Am, zemla lepo paše vaši grbači"-
veli on kaj nas vu drugi svet odpela.
Groblje se cifra kak živima paše.
Pokojne ti nišče za ništ ne pita.
Koji pot so čudne navade naše:
moja je mater s kamenom pokrita.
Senjave od sveči več so vu kmici.
Soze još bleščijo na trepavici.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.