 |
| Fotografija:Željko Bilankov |
Judi,..
judi moji,..
došlo mi je lito kroz ponistru,
uvuklo se dok san sniva more,
tamarise, žale, smokve i brnistru,
uzelo me u naručaj, pod okriljen zore..
došlo mi je judi,..
došlo mi je lito,
odvelo me da zaronin u modrinu bistru,
ispunilo pismon stare kale, lipe dvore,
zelenilon slatkin, sunčanu konistru,
ušetalo smiškon u sve naše pore..
Judi moji,
došlo nan je,..
došlo nan je lito!
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.