Kolumne

ponedjeljak, 26. studenoga 2018.

Zdenka Čavić | Mesečina senja



Stari dud v podolju dremle
i v sebi grunta,
jel bu il ne bu zutra?
Jel bu vesmirskih dnevi i jutra?
Jel se nebo još plavi,
jel bu cvetje raslo
v zeleni il žoti travi,
ili se konec beskončju smica?
Jel bu il ne bu zutra?
Zadrhtala je mesečina,
čez tenjke oblake.
Poškodlivi tepci noriju
premikavlu zvezde,
zdihavle narasla kmica.
Zlejala se po nebu,
k zemli se spušča i smica.
Crni se slatki dudi
po podolju rastepli,
mesec senja, dud spi.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.