Ja se imam kak se šika:
Kak na zidu lepa slika!
Ja sem sebi v zlatni rami
K velikoj spodobna dami!
Ja sem sebi mera sklada,
Koja verse vse preklada!
Gda vu Dravi vsi potonu,
Držim se kak prase v čonu!
Z pametneši se spominjam,
Mudrosti na kup prigrinjam!
Se kaj čujem, meni hasni-
Predečim kak Velečasni!
Biciklina fletno gazim;
Prignem se gda cvetek spazim!
Na Veliku Mešu stignem,
Vu slavi se v nebo zdignem!
Zli jeziki gda me peru,
Denem OGLAS na banderu:
"Ne maram za zločestoču,
Ja se imam kak se hoću!".
Mene saki vrag razburka,
Dok mi se v intimu gurka.
Gda nezvani dojdu gosti,
Otpravim jih: "NAS JE DOSTI!"
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.