Kolumne

četvrtak, 8. lipnja 2017.

Katarina Zadrija | Terputec




Dok Krležin se Terputec
Na puntu pozival
Zate kej nište ga nie poštival
Moj bogec bogečki
Pri potu se skrival

Na meru je stal
Kak da je znal
Da došli bodu dani
Gda šari dišeči cveti
Bodu otpuhani

A on koji furt je jednaki
Kej gazi ga saki
F truc na mestu je ostal
Nos v zrak dignul
Dok saki ga z nogu je trknul

I f truc je onomu
Kej nogu si f kamen je potrl
Ranu zalečil
Nosa šmrkavoga ozdravel
I f truc dobre sakomu napravil

I da nie bile toga
F TRUC
Nište ga denes poštival nebi

I fiolica
I zajček
I gumbek
Mačuhica
I teja dišeča

Saki mu se denes priklanja
A terputec je ostal onaj isti
Mali smrdljivi
Terdogalvec
Ali nigdar jalnuš!

Nema komentara :

Objavi komentar