Kolumne

ponedjeljak, 1. svibnja 2017.

Katarina Zadrija | Vrak ti skeljil beteg!


Već trejti dan betegujem. Prvi sem dan ležala kakti crknuta kobila. Drugi su me dan već obaveze naterale na posel.

Onda nek mi nešte veli da je privatnikem ljepe. Je, norca je ljepe. Če nemaš nikakvoga kuma ili rodjaka iza sebe bormeš da bi kej imel dobre nahrdaš.

Aha, je, tak je!

Za dvajstpet ljet privatnoga biznisa ni jemput nis imela miren godišnji niti dana, a o bolovanju da ne govorim. Če poštene očeš delati rob si dan i noč.

Još ti se sakokvi dotepenci i luftbrenezri smeju kak si bedast kej delaš, a prema njim niš nemaš, a oni se četri v zrak, pak male po politike, po sastanki sakokvi, po kumstvu i ti bokca žive kak Karingtoni.

No je, pak njim nek njihove bo. Nesem njim jalna, same bi rada negda dok betegujem, toga betega v meru zbavila. Rada bi da ne moram pod vručinu računati i brigu voditi, rada bi se na meru počinula i naspala.

Denes je trejti dan. Fala dragomu bogu, domaćemu medu, čaju i vitaminem već sem pone bolje.
Jutre je i male dejžđeka opale, sad se sončece nagledava, to čoveku mam volju za život da.

Tak je bila trda zemlja na vrtu da ni štihača nie noter išla. Morti je ove male dejžđeka kulike pomogle.

Tak se veselim! Još male i četri vure. Onda brže z ovoga bajbuka vun!
I pravac na moj breg!

V trnac, na vrt, pomalu kuljike bom mogla, na friški zrak i nek bakterije nosi vrak!

Nema komentara :

Objavi komentar