Kolumne

petak, 14. travnja 2017.

Božica Jelušić | Protuletna, vuzmena


Breskva cvete, cvet se strusi,
Mešne farbe dežđ pobriše.
Čovek beži, pete brusi,
Triput zdehne, ni ga više.

Vidiš sebe kakov jesi:
Krt pod zemljom, črvek v kori.
Drobno trunje v duhankesi:
Bogi kumrič, starec nori.

Vrčak pisan te prevzeme,
Gda si sam i ničemuren.
Sunce gladi hižno sljeme
I jogenj je več nakuren.

Meriš, krpaš i prekrajaš,
Pak gruntaš o vnebozetju.
Celo leto brige zbrajaš,
Al' vse zabiš v protuletju!


________________________

vnebozetje- uzašašće

Nema komentara :

Objavi komentar