Milan Frčko: Cirkus

Skončal sem v reštu.
Z tatima i z dotepencima.
Dotepence so panduri odpelali
do Botova, tam so ih skipali,
i dale so išli cipelcugom do
Mađarske.

Ja sem šnjofal gatre.
I to radi žene.
Rekel sam joj da jo bom zatokel če
mi još jeno odelo vužge.

V reštu sem se zmislil cirkusa,
i žene koja  je z obe roke držala dogački prot
i balanserala  po drotu, koji je bil
jeno petnajst metri znad zemle.
Spod šatora so se čuli samo zdihaji.

Ta žena me podsetila i na kuraž
kojemu jeni plješčo a drugi ga tračajo.
Gruntal sem i o emigrantima.
Koja je njihova pripovest?
I oni bežijo od rata.

Fiškal neje ni spomenol ženo na drotu,
emigrante, il  rat vu Siriji, nek se čudil
kak morem prhati  v reštu
i doteknoti nebo.