puspremam pu hiže
na televizije su počele
večernje Vijesti
prva vijest „udarna”
je nogometna
jeni su pubijedili, slaviju
drugi se opravdavaju
buolji buju da kupiju
poznatuga skupuga igrača
navijači se mlatiju
unda ide par reklami
za pivu i lutiju
vračaju se vijesti
v Saboru se pak svadiju
v davne minulem ratu ratujeju
treba više penez za oružje i vojsku!
više dece zruditi, za obranu!
pametuju mudrijaši,
kak napuhani purani laburdiju
nekteri pak vu tem limbušu
drijemljeju i spiju
tak bedaste se ni šmrkava deca
ne punašaju
ona se bar tak prefrigane špuotati
ne znaju
opet reklame
banke, krediti, najnoveši auto
pametni telefoni, krema protif bori
puspremam i puslušam
z puol vuha
najenput, prek cijeluga ekrana
velike diječe oči
splašene
žalusne
gladne
ud sega
same su još one ustale
nema više nikuga
nema više ničesa
kak strijela nebeska
pu hiže su zablesiknule
diječe suze
pred oči mi se začrnele
muorala sam si sesti
de sme to, koj je to?
vrata pekla?
duoj ili koj je ČOVEK?
Buožja slika i prilika, kak veliju
ili one neke druge?
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.