Eda Budić | Pupačić na plaže

Stvar je da je plaža
blizu aerodroma
Subote, plivajuć,
gledamo avijoni ki se dižo i kalievajo.
Ganan kijsti je priša z Londona,
kako i on zadnji put.
Donke, imamo more i avijoni
a i sigura san da so glagoljaši
hojevali semo i tamo
z svojemi libri i listi
"az opat, az pop, az grešnik"
kako so već pisali sami za se.

More san pozdravila,
smejin mu se,
ćepalo me je okoli vrata.
Kako će moj križ zgoret
još ni siguro.
Avijon je li priša jušto z Londona
steši ni siguro.
On je do kraja bi usta
"az poet, az človek".
Ću li to ustat i jas,
rabi videt.
Na kraje.


kalievat- spuštati; ganat - pogađati; hojevat- ići; jas- ja (arh.)