Eda Budić | Svejeno

Tako i onako bimo bili prišli do kraja

pak je jušto svejeno po ke staze 

smo se uputili.

Tako i onako je zapišeno ča će se najzad desit

pak ku i zavrnemo na krivo

ne porta!

Tako i onako će pensat ča je kega volja

pak moremo i na se pensat,

ča ne?

Tako i onako da je deštin neki već zacementa

ča got mi storili.

Tako da će se svejeno pokazat ku se pokažemo ljudi.

Ne radi drugeh.

Radi nas.