Eda Budić | Penzija

U penzije ćeš

hodit na kafe z susedi

ubać ona mesta ka još nisi

speć cukerančići po nove ricete

navadit se plest košare

subote hodit na večere

pročitat sve ča valja

najzad pogledat i oni film

z brekon hodit svaki dan van

kupit novi kauč

u kazalište poć svaki mesec

imet pun vrt svega

perfin poć kantat u zbor

stavit sebe na prvo mesto

ne baciljat ča drugi govoriju

hodit po dažlju

posadit ča niedan ni još vidi

ubukevat se drugajče

prestat fumat

i redovito vježbat.

Sve ono ča ti sad neki brani,ča ne?

ubać-posjetiti

riceta-recept

navadit-naučiti

brek-pas

baciljat-mariti