Zdenka Čavić | Tabula rasa

Ludsko je pleme

bilo tabula rasa,

ništ' po nje pisalo neje.

Mogli smo kaj smo šteli,

al' smo bili lakomni,

pak smo sporadi jene jaboke

v nemilost Božjo se deli.

Človek navek 'oče

ono kaj mu se brani.

Kaj bi ve dali, 

da smo sponova tabula rasa, 

da Bog nas sponova dela,

kaj bi po nje pisali?

Si premišluvam,

ak' nesmo negdar, 

danas još menje

zakona ne bi vrednuvali.

Ve nam zato,

lucifer konce vleče

čez vratolomńe dneve

paganskog živlenja.

Kulko još stoletja treba

kaj bi jempot poslunoli,

ak' nekaj ne smeš?

Adam i Eva, 

v novem začetku,

pak bi jaboko fkrali.

______________________________

tabula rasa-prazna ploča (lat.)  premišluvati- premišljati vrednuvati-poštovati, vrednovati pagansko-bezbožno poslunoti -poslušati