Okoli pčelinjaka z mamom pod rokom
strah me ni. Čmele zuje, z košnici diši.
Denes smo staru hižu obišle,
tožna i sama zdalka zgledi.
Na lesi zasun bravu ne nuca,
tu nikaj vrednog ta fkrasti već ni.
Na vrotima paučina stražari,
v ganjku stora vura čkomi.
V kuhinskom gredencu štumblek žalosni,
z špajza friško mleko več dugo ne deši.
V zodnji hiži ferunga z obloka
Sikakšne tajne za sebe drži.
Pod oblokom šipek ruža
i čempres na zodnji počinek diši.
Mama po gezdima jajci pobira,
kvočku s picekima v kočerek tira.
Maček se na suncu rastegnul,
glej ga, pod kupinom krt rovori.
Mamine čmele veselo zuje,
kak sunca se gizdaju žuti cveti.
Okoli hiže mlečec, trputec
zajcima se fina večerja zeleni.
Ne nucamo brave niti lokote,
ničega tu za fkrasti več ni.
Spomenke pavuk na pragu čuvle,
vse kaj je vredno v srcu več spi.
___________________________________
čmele - pčele
zdalka - iz daleka
lesa - ograda
nucati - trebati
fkrasti - ukrasti
ganjk - hodnik
čkometi - ne davati glasa, biti tiho
gredenc - ormarić, dio kuhinjskog namještaja
štumblek - vrč za mlijeko
ferunga - zavjesa
kočerek - drvena nastamba za kokoši
mlečec - maslačak
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.