utorak, 19. listopada 2021.

Željko Bajza | Navade novoga vremena


Vredi zakon da nijeden se ni rodil koji vsakom bi vugodil,
a spoznati sebe znači razumne svoje živlenje ravnati.
A vreme prehaja, svet stvarni je zamršen.
Složene i jedostavne vumnažaju se i supostoje.
I Giordano Bruno ni naišel na razumevanje,
a denes mu kip stoji vu Campo dei Fiori, spred Vatikana, i na njem piše:
“Podiže mu stoletje tere je on proslavil”- “Il secolo da lui divinato. “
I traje tak velika borba na male scene,
horor vu terem junak bije bitku ze sudbinu,
a dostojna ovca bele vune dala bu harcujučemu.
Človek več krat bludi črez veke, iščuč istinitost svoje iluzije.
Ja nem dopustil da dojde vu pitanje moja nadležnost, poslanje, odgovornost i delovanje.
Človek vleče snagu ze svoje glubline.
Treb je same eliminerati zablude.
A ja zdaj iščem da med dobremi meste si zadobim.
Ni da nej več imel hotenja, ar treb se je znati priložiti k navadam novega vremena

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.