nedjelja, 17. listopada 2021.

Aleksandar Horvat | Jesen, jesen

Jesen, jesen, šepni mi tajnu -
Otkud ta tvoja lepota zvira,
Gdo šlinga tvoju opravu bajnu,
Gdo ti kinča za predstavu zbira.

Nije na tebe joko mi slepo,
Nije svet v ranu jesen posivel,
Jesensko doba, rajsko, prelepo -
Ja bi najrajši v jeseni živel.

Jesen, jesen, tajanstveno lepa,
Škrinja kaj skriva radosne misli,
Zreli kostanji lučeju z žepa,
Grozdje, vrganji, vrapci pokisli.

Pesniku muza, slikaru tema,
Farbi paleta i zemeljski raj,
Ja reči iščem, a reči nema,
Prestira se jesen čez zavičaj.

Jesen, jesen, ti gizdavo vreme,
Sonce te greje i v zlatu hmiva,
Doba jesensko dušu prevzeme,
Jesen, draga slikarija živa.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.