srijeda, 10. veljače 2021.

Milan Frčko | Škrlak od snega

 

Rafung je lepi škrlak od snega dobil,
na hiži f koji nema žive duše.
Čez vrata i obloke veter joj puše.
Mesto mačke je z rajngle vodu popil.
Gde je bila pšenica ve je trava.
Na drevo so jaboke nepobrane.
Pred takovom slikom duša ti stane.
Kam god pogledneš posot ftičja hrana.
Tu mraz mesto čoveka posel zbavi
i drač zaduši. Se ono kaj je zviška
vredni veter pošteno pozobači.
V napuštenoj hiži cajt spukne piška
i prek megle, dežđa, snega po njoj šči.
A kaj smo na tom svetu tekarek mi?

________________
rafung - dimnjak.


Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.