Čisti zrak je f šumi i neje kmično,
kak f Koprivnici z koje sam pobegel.
Čuj, strah me kaj ne bi beteg navlekel.
Kam god dojdem vidim nekaj falično.
Il potrefim šumaka bez pameti,
il spodobo kaj je preveč pametna.
Kak zmija noge stari skrivle leta.
Šmrklifci bi šteli biti punoletni.
"Of denešnji svet je sasma ponorel"-
pripovedajo čoravi slepcima.
Zrak je pon dima. Poštenjak je zgorel.
Cajt šepeče z tatima i z tepcima.
Ne znam gdo je dal ime norim gljivama?
Ž njima mi je lepše nek z pametnima.
...........................................................................
nore gljive- lude gljive, kmično-mračno, beteg-bolest, falično-oštečeno, invalidno, potrefim-sretnem, šumaka-budalu, luđaka, ponorel-poludio, čoravi-sljepi, zgorel-izgorio, tatima-lopovima, tepcima-skitnicama.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.