petak, 10. travnja 2020.

Milan Frčko | Rambo




Šinjak mu držim, vu kosmačinje lučem,
gladim ga, a on milno v mene gledi
i stišče kožo s koje šklopca pučem.
Nemrem gledati mačka koji beči.

Šelešasti je bil celo veljačo.
Bog zna gde je ščupano dlako ostavil
i ofucano črevo spustil na mačko.
Kak tekar zgledi ona kojo je fkanil,

i pomogel joj da ostane noseča?
Kak da mu je nešče pudežgal pete,
z jezikom si vrači pleča boleča.

Rascufana vuha još mu se svetle.
Purđo je zgubil, malo je puklavi,
al gda vidi mačko, mam posel zbavi.

______________________________________________

Rambo-ime mačka, šinjak -vrat, kosmačinje-dlaka, lučem-gledam, beči-plače, šelešasti-šašav, ofucano-rasčerupano, črevo-trbuh, fkanil-prevario, noseča-u drugom stanju, pudežgal-potpalio, vrači-lijeći, boleča-bolesna, purđo-debeli trbuh, puklavi-pogrbljeni, zbavi-obavi.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.